विदेह प्रथम मैथिली पाक्षिक ई पत्रिका
संतोष
कुमार राय 'बटोही'
जंतर- मंतर
जे चुप छथि
ओ मरि गेल छथि
डरपोक मानल जेताह
सत्ताक केर अन्याय,
दमन, शोषण आओर मनमानी केँ
सहनिहार जनता इतिहास हंता कहल जेताह ।
सत्ता मे छी
तैं अहाँ अमर छी से नहि बुझियौ
मनुक्ख अमृत नहि पीने अछि
अहं खतम एक दिन होयत
औंघेला सँ आब नहि होयत
सब मिलि 'जन-मन-गण' गाउ ।
कतेक दिन धरि मुँह मे जाबी लागल रहतै ?
साँस कतेक दिन धरि रोकने रहबै ?
आब दम घुटि रहल अछि अहाँक
हाथ-पर-हाथ धरने नहि होयत
क्रांति करय पड़त आब
हिटलर केँ अपदस्थ करय पड़तै ।
बाढ़ि मे घर भसिया गेलै
महँगाई सँ माय दवाई बेगैर मरि गेलै
टाकाक बिना पढ़ैवाला घर बैठल छै
न्याय लेल बाबा दर-दर भटैक रहल छै
सभ दफ्तर मे सुरसा बैठल अछि
सभ योजना चुल्ही मे जरि गेलै ।
पेपर लीक !
शिक्षा के दफ्तर मे घुन लगलै
मंतरी-संतरी भेलै डकैत
भाई-भतीजावाद पुख्ता भेलै
मेहनतिया सभ बगुला जकाँ तकैत रहि गेलै
'सीट' तँ पहिनहि बिका गेलै ।
हुंकार भरि रहल अछि जवनका सभ
जंतर-मंतर बनल छै आखाड़ा
सुदि-मुरक सभ हिसाब हेतै
अई बेर नहि मानतै जनता
पै-पै केर जोड़-घटाव हेबे करतै
सत्ता अई बेर हिलबे करतै ।
अपन मंतव्य editorial.staff.videha@zohomail.in पर पठाउ।
विदेहमे सभठाम ताकू / Search all Videha
Static full-text search · Pagefindलेखक/शीर्षक/अंक/वर्ष — खोज-विधा। गद्य/पद्य/शोध current/static + पुरान Videha/Sadeha contents खोजैत अछि। पोथी pothi.htm केर पूर्ण listing, श्रव्य-दृश्य Audio_Video.htm केर पूर्ण listing, पञ्जी videha-sadeha/panji-shards GitHub data, आ थेसारस/शब्दकोश videha-ejournal.github.io/data GitHub JSON corpus केँ query करैत अछि आ दूनू Quiz corpus मे dictionary/vocabulary/शब्दार्थ-सम्बन्धी प्रश्नोत्तरी परिणाम सेहो जोड़ैत अछि। Quiz videha-quiz आ GitHub user-site दूनू bilingual quiz corpus खोजैत अछि। Roman/IAST + देवनागरी cross-script search समर्थित। Issue/Year लेल संख्या दिअ। PDF-अभिलेख archive.org/VidehaAndSadeha सूची खोजैत अछि।