प्रथम मैथिली पाक्षिक ई पत्रिका

ग्रुप कैप्ट (डा.) वि एन झा

अंतरिक्ष पर्यटन के वैज्ञानिक दृष्टिकोण

 

भूमिका: मैथिली में अंतरिक्ष विज्ञान के तकनिकी परिसीमन                  

विदेह में विज्ञान विषय-वस्तु पर एक नवीन प्रयोग शुरू कए  रहल छी।  ओहना तँ  विदेह पत्रिका मैथिली साहित्य में एक विशेष प्रतिष्ठा राखैय अछि,  मुदा कोनों भाषा के, ख़ास केँ प्राचीन सांस्कृतिक भाषा के विकास आओर सामूहिक ग्रहण-विग्रहण तावत समुचित नहिं होएत यावत् ओहि में आधुनिकता, समकालीन ज्ञान-विज्ञान व तकनिकी के समावेश नहिं होएत I  तावत ओहि भाषा केँ देश विदेश में समुचित स्थान नहिं भेटत।

 

जाहि समय सॅ आधुनिक शिक्षा प्रणाली में मैथिलि के समावेश भेल अछि, अधिकतम विद्यालय व महाविद्यालय में मैथिलि प्रायः अपन साहित्यिक गद्य व पद्य में प्रगति अवश्य कएलक  किन्तु आधुनिक विज्ञान व तकनीकी के समावेश व  प्रगति समीक्षा व  चर्चा के विषय अवश्य रहैछ, जाहि में मैथिलि भाषाविद के विश्लेषण विशेष महत्त्व राखताह।

 

हम मैथिलि भाषा के  एक अदना छात्र छलहुँ आओर गत ५० वर्ष सं मैथिलि-भाषी के संपर्क सँ विहीन छी।  ओहु सँ विशेष जे वायुसेना समाज में ३० वर्ष रहि प्रायः अंगरेजी माध्यम में ही बातचीत व लिखल-पढ़ल रहल।  गत ४० वर्ष में वातांक्षरिक्ष विज्ञान के पठन-पाठन में रत छी।  बारम्बार मन में आएल जे मैथिलि में वैज्ञानिक विषय-वस्तु पर किछु लिखल जाए। अंतरिक्ष विज्ञान के विषय में लिखैक हमर ई अथक प्रयास जारी रहत । अतः भाषा व्याकरण आदि त्रुटि हेतु क्षमाप्रार्थी छी।  

 

अंतरिक्ष पर्यटन के विकास 

 

रूस, अमेरिका, फ़्रांस, चीन व भारत विगत के समयांतराल में अंतरिक्ष में अपन-अपन वैज्ञानिक अन्वेषण, परीक्षण व पर्यवेक्षण गतिविधि में गतिशील रहथिन्ह I अंतरिक्ष में मानव के समावेश व अभियान वैज्ञानिक व सैन्य गतिविधि के उद्देश्य सँ रूस व अमेरिका के बीच में मुख्यतया प्रतिस्पर्धात्मक होएत छलैक I  गत ४ दशक में चीन सेहो अंतरिक्ष में अपन वर्चस्व स्थापित करए लेल जी तोड़ प्रयत्न क रहल अछि I  मुदा अंतरिक्ष में पर्यटन एक एहन नवीनतम परन्तु अत्यंत महग गतिविधि शुरू भ गेल अछि I  महग तँ एहन जे विगत में विश्व के किछु अतिसमृद्ध जन डेढ़ सँ दू अरब टाका खर्च कए नजदीकी अंतरिक्ष के भ्रमण कएल रहथिन I  सुदूर अंतरिक्ष के भ्रमण मानव लेल एखनहुँ स्वप्न मात्र अछि I  मानल जाइछ जे अमेरिकी चाँद तक गेल रहनि I         

 

अंतरिक्ष यात्रा करय में अंतरिक्ष यात्री लेल अपार तकनीकी आ स्वास्थ्य संबंधी चुनौती अछि I अंतरिक्ष यात्राक विश्व मानस पटल पर अपार सम्मोहक प्रभाव पड़ैत छैक अतः अंतरिक्ष दिस बढ़ैत प्रत्येक यात्री एक सिनेमाक हीरो सँ कम नहि देखल जाइत छैक । अंतरिक्ष यात्रा करब बहुत लोकक सपना बनि जाइत अछि । गत दशक में अंतरिक्ष यात्रा के एक अलग स्वरुप आएल अछि जेकरा "अंतरिक्ष पर्यटन" के संज्ञा देल छन्हि I  आई-काल्हि ई एक अत्यधिक महग रोजगार के रूप में प्रचलित आगाँ आबि रहल अछि I

 

अंतरिक्ष पर्यटन के आम जोखिम

 

अन्तरिक्ष पर्यटन यान में तकनिकी खराबी के अलावे किछु अन्य जोखिम सेहो अछि I सभु पाठक गण केँ अंतरिक्ष पर्यटन के जोखिम सँ  अवगत होवए  सोहो  आवश्यक अछि I  अंतरिक्ष में वायुमंडल नहिं होएछ अतः स्पेसक्राफ्ट में अपेक्षित दवाब पर ऑक्सीजन युक्त एतैक हवा रहे छैक जे यात्री व चालक दल लए पर्याप्त होए I  वायुमंडल सँ ऊपर सूर्य के किरण एतैक तेज व घातक होए छैक जे त्वचा जरि जाए I  वायुमंडल सँ ऊपर छोट या बड़ उल्का या पृथ्वी के कक्षा सँ विलग उपग्रह सँ सम्बद्ध कल-पुर्जा / कूड़ा-कर्कट / मालवा एतैक अधिक ऊर्जावान होएत  छैक जे पर्यटनयान केँ आसानी सँ क्षतिग्रस्त  कए सकैछ जेहि सँ सभु पर्यटक के जीवन जोखिम में पड़ि जाएत I  अंतरिक्ष पर्यटन के गुरुत्वाकर्षण विहीन या भार विहीन शुरुआत के क्षण में अलग अलग तरहक दुरासर होए छैक जाहि में ओकाई या उल्टी होएब, 'स्पासियल  डिसोरिएन्टेशन', ऊपर-नीचाँ के दिशा भ्रम आदि सम्मिलित अछि I  भार विहीन क्षण में खाए-पिय, प्रसाधन आदि के उपयोग अत्यधिक क्लिष्ट होए छैक I  अतः प्रत्येक पर्यटक  केँ 'वयस्क डायपर' पहिरा देल जाए छैक जे यदि ककरो आकस्मिक लघु या दीर्घ शंका भेल तँ ओ डायपर में ही सिमित रहत I  अंतरिक्ष यान में लाइफ सपोर्ट सिस्टम (LSS) रहे छैक जे ऑक्सीजन, कार्बन डाइऑक्साइड, जलवाष्प, तापमान, हवा के दुर्गंध आदि केँ नियंत्रण में रखे छैक I  यदि LSS  ख़राब भेल तँ प्रक्षेपण केँ स्थगन आवश्यक भ जाए छैक अन्यथा सभु जन के जीवन  जोखिम में पड़ि जाएत I  अंतरिक्ष उड़ान के सभु जोखिम के वर्णन एहि लेख में असंभव अछि किए कि एहि विषय पर इंजीनियरिंग व मेडिकल ब्रांच में M Tech/MD/PhD आदि विषय वस्तु अछि I

 

अत्यंत खर्चीला अंतरिक्ष पर्यटन के आकर्षण व मांग 

 

अंतरिक्ष पर्यटन के अत्यधिक आकर्षण दुनिया भर के अमीर लोग लेली छैक आरू रूसी रोस्कोस्मोस एकरा प॑ आंशिक रूपेण  कैश सेहो क  चुकल छन्हि जेना कि निम्नलिखित तालिका में देल छै । 2001 स॑ ही रूस के आकर्षक अंतरिक्ष पर्यटन कार्यक्रम बहुतों "निजी अंतरिक्ष उड़ान प्रतिभागी" क॑ अपन अंतरिक्ष यात्रा करै म॑ उत्प्रेरिक करलकै । वर्जीनिया स्थित स्पेस एडवेंचर्स के दलाल  रूसी सोयुज में उड़ान के लेल सवारी सँ दू करोड़ डॉलर सं बेसी के भुगतान करेलक तथा अंतिम पर्यटक अपन यात्रा के लेल  3.5 करोड़ डॉलर तक के भुगतान केलक I ओ सब यात्रा अंतर्राष्ट्रीय स्पेस स्टेशन के छल आ यात्री केँ  लगभग ओहिनें प्रशिक्षण प्रक्रिया सँ जाएल पैदल जे  चालक दल, तकनिकी व  मिशन विशेषज्ञ अथवा अंतरिक्ष यात्री...सभु लें समान संहिता छलैक I  एही प्रक्रिया में छह मॉस तक के प्रशिक्षण अवधि अछि I   किछु मिशन में तँ अमीर यात्री केँ अंतरिक्ष में लए जेबा में हुनका नाम मात्र के कोनों काज दए अंतरिक्ष स्टेशन पर  शामिल करय के जायज ठहराएल गेल I एहन किछु यात्री के वर्णन निम्नांकित तालिका में अछि I   

 

 

रूस केऽ वाणिज्यिक अंतरिक्ष पर्यटन उद्यम (ऊपर केरऽ तालिका म॑ दिखालऽ गेलऽ छै) स॑ ई स्पष्ट छै कि अंतरिक्ष पर्यटन स॑ काफी राजस्व प्राप्त होय छै । एहन यात्राक लेल बहुत बड़ राशि संभावित पर्यटक केँ खर्च कराए पडत I 'अंतरिक्ष पर्यटन उद्यम' खर्चीला सही, उद्योग के रूप लए रहल अछि I ज्यों ज्यों एकर प्रसार होएत, खर्च लगातार कम भेल जाएत I   

अधिकांश पर्यटक अंतरिक्ष क रोमांच के अनुभव करबा लेल उत्सुक होइछ । चूँकि अंतरिक्ष पर्यटन में किछु बेशी जानलेवा दुर्घटना के संभावना होइछ, एही में किछु विशेष प्रकार के जीवन रक्षक प्रणाली व उपकरण होएछ जकर व्यवहार आपातकाल में अएबाक चाही I तकर प्रशिक्षण आवश्यक छैक I  किन्तु  बहुत कम अवधि के अंतरिक्ष पर्यटन में  न्यूनतम प्रशिक्षण व्यवहारिक होएत, तीन सँ छह मास के नहिं । अंतरिक्ष पर्यटन केँ रोमांचक खेल के सेहो संज्ञा दियल जा सकैत अछि I एहि तरह के अंतरिक्ष पर्यटन के विभिन्न प्रकार के भ्रमण अछि जे किछु मिनटक 'उप-कक्षीय' उड़ान सँ ला केँ पृथ्वी कक्षा के परिक्रमा करबाक उद्देश्य तक भ सकैछ I

 

अंतरिक्ष पर्यटक के उद्यमी सँ अपेक्षा 

 

स्पेस एडवेंचर/टूरिज्म पर्यटक वा ग्राहकक के किछु न्यूनतम अपेक्षा होए छैक जे ओकर जीवनपर्यन्त कमाई के तुल्य भ सकए I   दोसर दिस, अंतरिक्ष एजेंसी प्रतिस्पर्धी रूप सं लगभग  सुरक्षित वापसी के  गारंटी, बेहतर पैकेज / विकल्प प्रदान क सकय छै, जेहि मे निम्नलिखित मे सं एक या अधिक अनुभव होयत छै :--

*माइक्रोग्रेविटी या गुरुत्व-विहीन अवस्था के अनुभव...बिना बाधा तैराकी ।-

* पृथ्वीक नीलाम्बर वायुमंडल देखब ।-

* सूर्योदय या सूर्यास्त देखय मे सक्षम होयब जे एकदम अलग अनुभव होए छन्हि |-

*दिन आ रात्रि के बदलैत परिपेक्ष I-

*सौर या चंद्रग्रहण या ब्रह्मांड के नैसर्गिक  कोनो अन्य घटना; पृथ्वी के बदलैत परिप्रेक्ष्य के देखै के परिस्थितिजन्य तत्सामयिक मांग |- अंतरिक्ष में विशेष अवसर आ उत्सव मनाएब... जेहना प्रपोज, विवाह, हनीमून आदि।-

*अल्पकालीन गुरुत्व विहीन क्षण में  विशेष वैज्ञानिक अनुसंधान व परीक्षण |  -

*भविष्य में अंतरिक्ष भ्रमण मनोरंजन के लेल ढेरों अन्यान्य विचार निश्चित रूप स आबि जाएत ।

 

"अंतरिक्ष पर्यटन" के नाम पर किछु अमीर के कल्पना आ मनसा के हड़पबाक लेल महान प्रतिस्पर्धा चलि रहल अछि | अपनऽ कंपनी 'वर्जिन गैलेक्टिक' के स्थापना क क॑ रिचर्ड ब्रैन्सन आरू 'ब्लू ओरिजिन' केरऽ जेफ बेजोस अपन-अपन अंतरिक्ष यान के साथ वाणिज्यिक अंतरिक्ष पर्यटन के पेशकश करै लेली तैयार कए केँ अंतरिक्ष पर्यटन के व्यवसाय शुरू क देल छन्हि ।  वर्जिन गैलेक्टिक म॑ अपनऽ विमान व'र्जिन मदर शिप (वीएमएस) ईवा' केऽ दोहरी पंख के भीतर लागल "वर्जिन स्पेस शिप (वीएसएस) यूनिटी" नाम केऽ पुन: उपयोग करलऽ जाय वाला अंतरिक्ष यान छै । वीएमएस ईवा स॑ लगभग ४५-५० हजार फुट ऊंचाई पर छूटे पश्चात वीएसएस यूनिटी क॑ रॉकेट द्वारा अंतरिक्ष में लए जाएत छैक  । दोसरऽ दिश  "ब्लू ओरिजिन" स्पेसक्राफ्ट पूर्ण रूप स॑ पुनः उपयोग करलऽ जाय वाला रॉकेट छै जे २-चरण म॑ चलै छै । विरदीन गैलेक्टिक पृथ्वी सतह सँ लगभग 100 किमी ऊपर जाएत छैक मुदा "ब्लू ओरिजिन"  पृथ्वी स॑ १५० किमी ऊपर जाय सकै छै । ई दुनू के वास्तविक गुरुत्व विहीन क्षण मात्र किछु मिनटक लेल प्रदान करैत अछि । ई दुनू में सँ कोनो पर्यटक के उपरोक्त सभु अपेक्षा के पूर्ति नहिं क सकैछ I

 

कमर्शियल स्पेस एडवेंचर मे किछु आओर उद्यमी सेहो छथिन्ह जाहि मे बोइंग कंपनी केऽ 'सीएसटी-१००' स्टारलाइनर अंतरिक्ष यान सँ  इंटरनेशनल स्पेस स्टेशन (आईएसएस) केऽ  यात्रा सेहो शामिल छै, जेकर परिचालन सम्प्रति शुरू नै भ सकल छै । चीनी,  रूसी आरू भारतीय कंपनी सेहो  वाणिज्यिक अंतरिक्ष पर्यटन लेली अपन अपन योजना अकेले या संयुक्त रूप सँ बनाबै म॑ व्यस्त छथि जाहि में बहुत समय नै लगतै । एकरा लेल हुनका सभु लग पहिने सँ प्रमाणित तकनीक छन्हि । ओ सभु के अंतरिक्ष वाहन या एकरा वास्ते बनाओल स्पेस स्टेशन केँ कोनो संज्ञा दऽ सकै छी जेना कि स्पेस-इन, स्पेस-रिसॉर्ट, स्पेस शेरेटन, 'अंतरिक्ष-वास, 'उड़नखटोला' वा आओर कोनो आन नाम । आगामी वर्ष व दशक में ई महा खर्चीला व्यापार अन्यान्य देश में अवश्य शुरू हएत यद्यपि सम्प्रति पर्यटक के अपेक्षा आंशिक रूपेण ही पूर्ण होए छैक I

 

'वर्जिन गैलेक्टिक" अंतरिक्ष पर्यटन (ब्रिटिश अमेरिकन)

वर्जिन गैलेक्टिक अंतरिक्ष पर्यटन  के  संस्थापक रिचर्ड ब्रैंसन छथिन्ह I 11 जुलाई 21 क॑ 'वर्जिन गैलेक्टिक' अपन प्रथम उड़ान में ई प्रदर्शित करै के कोशिश करलकै कि ई सब अंतरिक्ष म॑ रोमांचकारी पर्यटन लेली एक सक्षम संभावना प्रदान करै छै । एकर संस्थापक रिचर्ड ब्रैन्सन अपन तीन कर्मचारी संग वीएसएस यूनिटी केऽ 22वीं उड़ान म॑ यात्री छलाह । हुनका सब क॑ बहुत धूमधाम सँ आरू वैश्विक प्रचार के साथ क्राफ्ट केरऽ यात्री डिब्बा म॑ मिशन स्पेशलिस्ट (?) के रूप म॑ यात्रा करैलन्हि । हुनकऽ रॉकेट संचालित अंतरिक्ष यान वीएसएस यूनिटी क॑ विमान वीएमएस ईवा केरऽ पंखऽ के नीचाँ स॑ ४६३९३ फीट ऊंचाई सँ छोड़लऽ गेलऽ, जेकरऽ  गति ३८९ मील प्रति घंटा छेलै । अलग होय के एक सेकंड उपरान्त वीएसएस यूनिटी के रॉकेट प्रज्वलित भऽ, यान क॑ लगभग १०० किमी ऊपर अंतरिक्ष ला गेल जेहि में ऊपर जाए वाला किछु सेकेण्ड ओ ओहि ऊंचाई सँ नीचा खसए वाला किछु आओर

सेकंड गुरुत्व विहीन छल । 

 

'VSS Unity' के अधिकतम गति  अलग होय के 57 सेकंड बाद १२५ हजार फुट AMSL पर 3.1 Mach छू गेलै । रॉकेट 60 सेकंड बाद मिझा गेलै मुदा क्राफ्ट केऽ ऊंचाई बढ़त॑ रहलै । एही दौरान अलगाव के १ मिनट १० सेकंड पश्चात् सभु यात्री सब केँ आगाह कएल गेल जे आबै वाला सेकेंड में गुरुत्व विहीनता के सु-अनुभव लिए लए अपन अपन सीट के पट्टा खोलय I  क्राफ्ट केरऽ बैक फ्लिपिंग  लगभग २१३ हजार फुट  AMSL ऊंचाई पर अलगाव के  १'३३" बाद कएल गेल ताकि यात्रीगण  अपन बगल   आरू छत में उपलब्ध छोट-छोट खिड़की स॑ पृथ्वी क॑ देखै सकए । फ्लिपिंग के कारण इहो छल किंचित मात्रा मे ही सही,  एयरोडायनामिक कंट्रोल पायलट के हाथ रहे I VSS यूनिटी केऽ अधिकतम ऊंचाई अलग होय स॑ २ मिनट ३७ सेकंड पश्चात  अधिकतम ऊंचाई २,८२,७७३ फीट AMSL छेलै, जखन गति १.१ Mach तलक कम भऽ गेलऽ।

एकर बाद वायुमंडलीय अभाव में VSS Unity  क्राफ्ट निर्मुक्त रूपेण नीचा खसए लागल I धरती सतह सँ  200 हज़ार फुट AMSL  ऊंचाई पर ३ मिनट ४० सेकंड पश्चात क्राफ्ट पायलट आगामी किछु सेकंड में वायुमंडल म॑ तथाकथित 'पुनः प्रवेश' के घोषणा करलकै जखन सब यात्री अपन-अपन  स्थान पर वापस भ सीट बेल्ट बान्हि लेलन्हि I  एहि तरहें गुरुत्व विहीन अवधि मात्र  2 मिनट सं किछु बेसी' अनुभव भेल जेहि में क्षण भरि लेल यात्री लोकनि कें संकीर्ण केबिन में तैरैत देखल जा सकैत छल I ठाढ़ सीट हुनका लोकनिक फ्री-फ्लोट मे बाधा बुझाइत छल I

गुरुत्व विहीनता या भार विहीनता के  ई अनुभव  हुनका लोकनिक जीवन भरिक अनुभव रहल भेलन्हि  । अंतरिक्ष यात्री केऽ पहिलऽ उप-कक्षीय उड़ान अल्पावधि ही सही,  प्रशंसनीय छल आरू निश्चित रूप स॑ भविष्य में अंतरिक्ष-पर्यटन के  नया रास्ता प्रशस्त करत । यद्यपि अंतरिक्ष में जएबाक ओ गुरुत्व विहीन क्षण के रोमांच के अनुभव कए चारो अपना आप केँ  Astronaut कहल लगलन्हि मुदा ओ सब यात्री मात्र छलाह I वायुमंडल में पुनः प्रवेश (Re-Entry) के  बाद इंजन-रहित VSS Unity  क्राफ्ट के ओहि हवाई पट्टी पर उतारल गेल जतय सं ओ उड़ान भरने छल I  लैंडिंग सफल छल I

 

"ब्लू ओरिजिन" अंतरिक्ष पर्यटन (अमेरिकन)

निजी व्यावसायिक अंतरिक्ष उद्यम के दोसर उद्यमी "ब्लू ओरिजिन" छथि जेकर संस्थापक जेफ़ बेजोस छथिन्ह  I ब्लू ओरिजिन २० जुलाई क॑ २० जुलाई क॑ अपनऽ पहिल  सब-ऑर्बिटल पर्यटन  उड़ान सँ दुनिया केऽ ध्यान आकर्षित करलकै I अपनऽ पुनरुपयोग करऽ  वाला 'न्यू शेफर्ड' नामक  रॉकेट बनौलन्हि  जे अपन  मानव कैप्सूल क॑ अंतरिक्ष म॑ प्रक्षेपण कए स्वयं वापस आवि लिफ्ट-ऑफ सं करीब 2 मील दूर एकटा निर्धारित प्लेटफार्म पर धरती पर सुरक्षित सॉफ्ट लैंडिंग करैत छैक I  मानव कैप्सूल में पर्यटक समेत छह लोकनि समाहित भ सकैत अछि I  ई कैप्सूल  वॉन कर्मन लाइन (धरती सँ १०० किमी ऊपर)  स॑ ऊपर जाय छै  आरू ओकर बाद सुरक्षित रूप स॑ उतरी क॑ जमीन स॑ ६ फीट ऊपर नाइट्रोजन गैस के जेट फायरिंग स॑ सक्षम सॉफ्ट टच-डाउन कराइ छै  । ई अलग-अलग रॉकेट आरू मानव कैप्सूल दूनू के प्रक्षेपण स॑ ल॑ क॑ वापस उतरै तलक के पूर्ण रूप स॑ स्वचालित उड़ान छै । 

न्यू शेफर्ड  क॑ टेक्सास, वैन हॉर्न के बाहर स॑ "ब्लू ओरिजिन" प्रक्षेपण स्थल सँ लॉन्च करलऽ गेलऽ जाहि में चार यात्री छेलै  । ई एकदम सही व सटीक प्रक्षेपण छल जे लगभग सीध में ऊपर चढ़ल गेल। एकर अधिकतम गति 3 Mach छल। रॉकेट बर्न-आउट T+ 2'21" पर 183 हज़ार फुट AMSL ऊंचाई पर पूरा भेल आ किछु सेकेंड में कैप्सूल सँ पृथक भ गेल । मानव कैप्सूल बिना इंजन के ऊपर चढ़ैत रहल आ ~230 हज़ार फुट  AMSL पर T+ 2'35" पर गुरुत्व विहीन, भार विहीन  0-G में प्रवेश केलक । कैप्सूल T+ 4'03" तक ~351 हज़ार फुट  के शिखर ऊंचाई पर चढ़ैत रहल यावत् ओकर गति शून्य नहिं भ गेल आ तखन निर्मुक्त रूपेण (free fall) नीचाँ गिरय लागल । गुरुत्व वा भार विहीन 0-G अवधि T+5'32" पर  225 हज़ार फुट AMSL के ऊंचाई पर समाप्त भेल जाहि पश्चात् कैप्सूल  वायुमंडल में पुनः प्रवेश  (Re-Entry) कएलक  | एहि तरहेँ पर्यटक लोकनि केँ कुल लगभग 3 मिनटक गुरुत्व विहीन या भर विहीन 0-G के अनुभव भेल।

वायुमंडल में पुनर्प्रवेश (Re-Entry)  लगभग 1880 MPH गति पर  225 हज़ार फुट AMSL  पर छल जे कोनों आकस्मिक घटना-रहित छल I वायुमंडलीय पुनर्प्रवेश के दौरान नहिं तँ कोनो घर्षण-आगि देखल गेल ने अत्यधिक गति ह्रास I ड्रोग आरू मुख्य पैराशूट क्रमशः T + 8'21" आरू T+ 8'35" प॑ क्रमशः  6400 फुट AMSL  तथा 3200 फुट AMSL ऊंचाई पर खुलल I  सुरक्षा के दृष्टिकोण सँ पैराशूट खुले के ई ऊंचाई गंभीर रूप स॑ कम छेलै I मुदा पर्यटक मॉड्यूल लगभग 14 MPH के ऊर्ध्वाधर गति सँ एक "नॉट-सो-सॉफ्ट टचडाउन" या यूं कहु कि कनैं डरावै वाला कठोर लैंडिंग करलक । कठोर जमीनी स्पर्श पश्चात् भी कैप्सूल संतुलित व स्थिर रहल आओर  तीनों पैराशूट कैप्सूल के डोर सँ जुड़ल स्वाभाविक रूप सँ बगल मे नीचा खसि पड़ल यद्यपि 'पर्यटक कैप्सूल' के  लैंडिंग पर कोनों नियंत्रण नहिं छलैक I लैंडिंग स्थल 'ब्लू ओरिजिन' के सीमा परिधि क्षेत्र के दीवार स॑ लगभग सटल छल जेकरा देखि चालक दल में अत्यधिक चिंता अवश्य भेल होएत । ओ लोकनि सुरक्षित लैंडिंग सँ  सर्वशक्तिमान परमेश्वर कें धन्यवाद देने हेताह I ग्राउंड क्रू क॑ टचडाउन स्पॉट प॑ पहुँचै म॑ कई मिनट लगलै जे अनअपेक्षित छल ।

 Drogue Parachute              Main Parachute

 

 

Capsule too close to perimeter wall     Capsule harsh Touchdown

 

"न्यू शेफर्ड"  कैप्सूल केरऽ ऊँचऽ आरू चौड़ा खिड़की स॑ 'टूरिस्ट व्यूअरशिप' या बाहरी दृश्य नीक जकाँ दिखए अछि I पृथ्वी केरऽ वक्रता, ओकरऽ चारो तरफ के पतला वायुमंडलीय नीला आवरण के साथ-साथ अंतरिक्ष के घुप्प अन्धकार सभु पर्यटक नीक जकाँ देखलन्हि हएब । वीएसएस यूनिटी मे केबिन के भीतर सूर्य के तीव्रता चिंताजनक बुझाएल I

 

उपरोक्त दूनू अलग-अलग उद्यमी के अलग अलग उड़ान मे यात्रीगण केँ कतेक रोमांच महसूस भेल, ओकर जवाब तँ ओ सभु पर्यटक ही द सकैछ  मुदा कंपनीक कर्मचारी आ ओकर मालिक तँ कोनों एहन शब्द बाजताह जे पर्यटक कें आकर्षित कराए में बाधक होए I बेशी मुद्रा कमाओक उद्देश्य सँ बनाएल अरबों डॉलर के उद्यम में ई सब विषमता तँ अपेक्षित अछि I  हालाँकि अंतरिक्ष पर्यटन के एखन बाल्यकाल अछि, दोनों उद्यमी केँ पर्यटक के अपेक्षा पूर्ति कराए में किछु अतिरिक्त कार्य अवश्य करएक पड़त जेहि सँ ओहि लोकनि के आकर्षण बढ़ि सकए I

 

अन्यान्य अंतरिक्ष पर्यटन उद्यमी

उपरोक्त अंतरिक्ष पर्यटन उद्यमी छोड़ि किछु अन्य उद्यमी सेहो अपन-अपन पर्यटन शुरू कराए में कार्यरत छथि I  अमेरिका के  बोइंग कंपनी अपन टेस्ट परीक्षण के निकट छथि I  अमेरिकन स्पेस एक्स सेहो अपन फाल्कन-९ पर स्थापित  "क्रू ड्रैगन" स्पेसक्राफ्ट में ५ दिनुक ISS के  पर्यटन करौलक अछि जे पर्यटक लेल किछु असुविधाजनक छलैक I अमेरिका के ही "ओरियन     स्पान" पर्यटन लेलि अपन अलग स्पेस स्टेशन बना रहल छथि I रूस के स्पेस एडवेंचर कंपनी सेहो अपन अलग पर्यटन उद्यम लगा रहल अछि I अनुमान लगा सकै छी जे चीन सेहो पाछू नहि रहत I भारत में सेहो किछु स्टार्ट अप  (बैंगलोर के 'हाइप लक्सरी')  अंतरिक्ष पर्यटन में कार्यरत छथि I एहन उम्मीद क सकै छी जे आगामी वर्ष व दशक में  अंतरिक्ष पर्यटन में महत्वाकांक्षी बढ़ोतरी हएत I लेखक के ओ सभु अंतरिक्ष पर्यटन उद्यमी केँ शुभकामना अछि I  

 

अंतरिक्ष पर्यटन के प्रतिस्पर्धात्मक विश्लेषण 

 

वीएसएस यूनिटी मे प्रत्येक सीट सँ लागल पैघ खिड़की बेसी आकर्षक भ सकैत अछि जे ओहि किछु अनमोल क्षणक बेहतर व संतोषजनक अनुभव सँ पर्यटक कें बेशी आकर्षित करत I  एहि में किछु डिजाइन समीक्षा व परिवर्तन अपेक्षित होएत जेहि सँ पर्यटक केँ बेशी संतोषजनक आनंद भेटए, बेशी फायदेमंद भ सकैत अछि I अंतरिक्ष पर्यटन में अग्रसर दूनू एजेंसी केरऽ तुलनात्मक वर्णन निम्नलिखित तालिका में देलऽ गेलऽ अछि: 

 

सम्प्रति अंतरिक्ष पर्यटन में चिंता के विषय

 

दोनों उद्यमी के स्पेसक्राफ्ट में जीवन सुरक्षा के किछु छोट-मोट चिंता सेहो बुझाइत अछि I कि पर्यटक लोकनि केँ सामान्य ओवरआल/आउटफिट/कैजुअल मे अन्तरिक्ष के यात्रा करबाक चाही ? बिना स्पेस-सूट कें, बिना पर्सनल लाइफ सपोर्ट सिस्टम के पृथ्वी के वायुमंडलीय चादर सँ ऊपर यात्रा करनाय खतरनाक होए छैक I उल्कापिंड ओहि ऊंचाई पर बहुत बड़ खतरा पैदा क सकैछ आरू कोनो भी कारन यदि यात्रीगण के केबिन स॑ हवा के दबाव कम भेल तँ सभु यात्री के जीवन दांव पर लागि जाएत I  बिना पूरा दबाव वाला स्पेस सूट के अभाव में सब यात्री आरू चालक दल के क्षणिक मृत्यु भ सकै अछि । केबिन प्रेशर रिलीफ वाल्व के अप्रत्याशित विफलता भयावह भ सकैत अछि I  रिवर्स ऑक्सीजनेशन रक्त सँ ऑक्सीजन के चूसि क बाहर निकालय लेल सक्षम अछि जे मुश्किल सं 7 सेकेंड मृत्यु के समक्ष क देत I अंतरिक्ष उड़ान में केबिन के दबाव कम होए सँ मृत्यु एक कटु  वास्तविकता व संभावना अछि । अतः, सब के पास अप्रत्याशित आपातकालीन स्थिति के लेल स्पेस सूट या फुल प्रेशर गारमेंट होबाक चाही, जे किछु मिनट तक जीवन के महत्वपूर्ण समय द सकय जखन कि चालाक तेजी सँ नीचाँ उतरब शुरू क सकय I  मानल जाएत  छै कि पहिनें दूनू उद्यमी यात्री सुरक्षा लेली स्पेस सूट उपलब्ध करै के योजना बनयने छेलै लेकिन बाद म॑ पर्यटक के असुविधा देखि अपन-अपन विचार बदलि  लेलकै । यद्द्यपि, हवा दबाव केरऽ आपातकालीन नुकसान के तहत जान बचाबै बेशी आवश्यक छै ।

 

उम्मीद अछि कि अंतरिक्ष पर्यटकऽ के जीवन व स्वास्थ्य-सुरक्षा लेली सब अंतरिक्ष यान के डिजाइन म॑ कोनों तरह के महत्वपूर्ण विफलता के विश्लेषण करलऽ गेलऽ होतै । ई विफलता भिन्न-भिन्न प्रणाली में भ सकैत अछि...जेना कि रॉकेट के प्रज्वलित नै होबय; ओकर नोजल फाटि जाए; यात्री या चालक केबिन में हवा दबाव के ह्रास भ जाए; माइक्रोउल्कापिंड के चोट सँ यान के क्षतिग्रस्त होए आदि.. आदि.. I

वैज्ञानिक मंतव्य

प्रायः प्रत्येक अंतरिक्ष उद्यम मे किछु अंतर्निहित जोखिम जरूर होइत छैक I मुदा ककरो जीवन केँ जोखिम पर नहि लगा सकैत छी I कोनो भी स्पेस टूरिस्ट या अंतरिक्ष पर्यटक क॑ अमुक उड़ान स॑ किछु न्यूनतम उम्मीद व उपरोक्त अपेक्षा अवश्य होएत I  वर्तमान समय में अंतरिक्ष पर्यटन के खर्च-राशि लगभग निषेधात्मक अछि I  एतैक बेशी  लागत पर स्पेस टूरिज्म के पेशकश करय वाला कंपनी के प्रत्येक पर्यटक के सुरक्षित वापसी व अपेक्षा के पूरा करय के प्रयत्न करबाक चाही I  'वर्जिन गैलेक्टिक' आरू 'ब्लू ओरिजिन' सब उद्देश्य क॑ पूरा करै छै कि नै, ई फैसला ओकर यात्री करतन्हि मुदा प्रक्षेपण के विश्लेषण तँ देखा रहल अछि जे पर्यटक के अपेक्षा पूर्ण नहिं भ रहल अछि I  आवै वाला समय में अंतर्राष्ट्रीय प्रतिस्पर्धा बढ़ए के संभावना अछि जाहि में अधिकाधिक अपेक्षित तत्व समाहित करए के प्रयास अवश्य होएत I   एहि लेख के उद्देश्य मात्र वैज्ञानिक दृष्टिकोण के सामने लाबय के अछि I अंतरिक्ष पर्यटन के लेल ई एकटा नीक शुरुआत अछि I

 

लेखक परिचय- ग्रुप कैप्ट (डा.) वी. एन. झा (MBBS, AMD, MD, FeISAM)  पूर्व वायुसेना अधिकारी व चिकित्सा अनुसंधान प्रमुख; बैंगलूर विश्वविद्यालय में प्रोफेसर व स्नातकोत्तर परीक्षक  तथा  DRDO सँ सेवानिवृत्त  वरिष्ठ वैज्ञानिक (Sc 'F') व सह निदेशक छथिन I अंतरिक्ष विज्ञान में हिनकर लिखल पुस्तक "Design Concepts in Human Space Missions) देश विदेश में प्रचलित छन्हि I    

 

अपन मंतव्य editorial.staff.videha@gmail.com पर पठाउ।